Քոչարյանին չեն հրավիրել. Վիկտոր Սողոմոնյան

«Հրապարակ»-ը գրում է, որ երեկ Ռոբերտ Քոչարյանը չի մասնակցել Հայաստանում գտնվող Վ. Պուտինի պատվին տրված ճաշկերույթին: Ըստ թերթի աղբյուրների` «Քոչարյանը ինչ-որ առումով նեղացած է Պուտինից, քանի որ վերջին շրջանում երկու անգամ ցանկացել է հանդիպել Պուտինի հետ, վերջինս չի արձագանքել»:

Yerkir.am-ի հետ զրույցում Ռոբերտ Քոչարյանի գրասենյակի ղեկավար Վիկտոր Սողոմանյանը տեղեկացրեց, որ Քոչարյանը Պուտինի պատվին տրված ճաշկերույթի հրավեր չի ստացել: Նա նաեւ ասաց, որ Ռոբերտ Քոչարյանն անցած շաբաթ մեկնել է երկրից եւ միայն այս շաբաթ կվերադառնա:

Մեր դիտարկմանն ի պատասխան, որ, ըստ մամուլի, Քոչարյանը նեղացած է Պուտինից, Սողոմոնյանը վստահեցրեց, որ այդ տեղեկությունը չի համապատասխանում իրականությանը: