Հայտնի է քիմիայի գծով Նոբելյան մրցանակակիրը

Ստոկհոլմում շարունակվում է Նոբելյանական շաբաթը: Արդեն հայտնի է դարձել նաեւ քիմիայի բնագավառի Նոբելյան մրցանակակիրը: Իսրայելի տեխնոլոգիական ինստիտուտի գիտնական Դանիել Շեխթմանին կոմիտեն շնորհել է մրցանակը քվազիբյուրեղների բացահայտման համար. հաղորդում է Gazeta.ru-ն:

Շեխթմանը քվազիբյուրեղի առաջին միկրոլուսանկարը ստացել է 1982 թվականին, սակայն գիտնականի գյուտին վերապահումով են մոտեցել:

70-ամյա իսրաեյլցի գիտնականին մրցանակ ստանալու մասին հաղորդել են հեռախոսով, նա ներկա չի եղել Նոբելյան շաբաթին:

Իսկ մրցանակը` 10 միլիոն շվեդական կրոն (մոտ 1.4  միլիոն դոլար), նրան կհանձնեն Ստոկհոլմում դեկտեմբերի 10-ին կայանալիք պարգեւատրման պաշտոնական արարողության ժամանակ: