Նոբելյան մրցանակակիրը հեռացել է կյանքից` էվթանազիայի դիմելով

Բելգիացի Նոբելյան մրցանակակիր Քրիստիան դը Դյուվը 95 տարեկանում կամավոր հեռացել է կյանքից` էվթանազիայի դիմելով. տեղեկացնում է Интерфакс-ը:

Վերջին ամիսներին նրա առողջական վիճակը կտրուկ վատացել էր, եւ նա անցած շաբաթ օրն ընտրել է կյանքից հեռանալու այդ տարբերակը: 

Բելգիական Le Soir թերթն այսօր տպագրել է դը Դյուվի վերջին հարցազրույցը, որում հանրահռչակ կենսաբանը հայտարարել է իր առաջիկա մահվան մասին` պարզաբանելով, որ որոշել է գործել որպես ազատ մարդ: «Այնպես չէ, որ մահն ինձ չի վախեցնում, սակայն ես չեմ վախենում այն բանից, թե ինչ կլինի դրանից հետո, քանի որ հավատացյալ չեմ: Երբ ես վերանամ, պարզապես կվերանամ, եւ ոչինչ չի մնա»,- ասել է Նոբելյան մրցանակակիրը: