Բոլոր ուսուցիչները կվերապատրաստվեն

Առաջիկա 5 տարիներին բոլոր ուսուցիչները պետական ծրագրով պետք է վերապատրաստվեն: «Այս բարեփոխումները նպատակ ունեն մեր երկրում կրթության որակը բարձրացնել նոր մակարդակի»,- ՌԴ ԿԳ նախարարության պատվիրակության հետ հանդիպման ժամանակ ասել է ՀՀ ԿԳ նախարարի տեղեկալ Մանուկ Մկրտչյանը:

Հյուրերին հատկապես հետաքրքրել է հանրակրթական ուսումնական հաստատության ղեկավարման հավաստագիր ստանալու կարգը և «Շախմատ» առարկայի ներմուծումը:

Ներկայացնելով մեր երկրում ընթացող կրթության կառավարման և բովանդակային բարեփոխումները` Մկրտչյանն ընդգծել է, որ ՀՀ օրենսդրությամբ հանրակրթական դպրոցի տնօրեն աշխատելու համար, անձը պետք է նախարարության կողմից տրված հավաստագիր ունենա:

Նշենք, որ  ՌԴ ԿԳ նախարարության պատվիրակությունը Հայաստանում է «Կրթությունը, գիտությունը և տնտեսությունը բուհերում. ինտեգրում միջազգային կրթական տարածքում» թեմայով միջազգային գիտական կոնֆերանսին մասնակցելու նպատակով: