ՄԻՊ-ը խոստացավ, մնաց կատարի

Այսօր «Սեւազգեստ բանակ» նախաձեռնության մասնակիցները, միանալով բանակում խաղաղ պայմաններում զոհված զինծառայողների ծնողներին, բողոքի ակցիա են կազմակերպել կառավարության շենքի առջեւ` պահանջելով վերացնել բանակում օրեցօր շատացող սպանություններն եւ անօրինությունները:

Նրանց է մոտեցել կառավարություն շտապող Մարդու իրավունքների պաշտպան Կարեն Անդրեասյանը եւ խոստացել ընդունելություն կազմակերպել իր գրասենյակում, նաեւ հանդիպում` բոլոր պատկան մարմինների հետ:

Ի դեպ, այսօր կառավարության շենքի մոտ իրենց բողոքն են հայտնել նաեւ ապամոնտաժված կրպակների տերերը: Կարեն Անդրեասյանը նրանց եւս խոստացել է, որ առանձին-առանձին կուսումնասիրի յուրաքանչյուրի դիմումը: