ՊԵԿ նախագահը լրագրողներին խոստացավ որևէ հարմար օր պատասխանել նրանց բոլոր հարցերին

ՊԵԿ նախագահ Հովհաննես Հովսեփյանը ևս այսօր եկել էր Սարդարապատ, սակայն իրեն հատուկ չխոսկանությամբ այսօր էլ աչքի ընկավ` չցանկանալով պատասխանել լրագրողների հարցերին: Այդուամենայնիվ, մի քանի կցկտուր պատասխաններ տվեց:

Հարցին, որ ՓՄՁ ներկայացուցիչները բողոքում են հարկային «տեռորից», Հովհաննես Հովսեփյանը չցանկացավ պատասխանել` պնդելով որ այս պահին նպատակահարմար չէ այդ հարցին պատասխանել, քանի որ եկել է տոնակատարության: ՊԵԿ նախագահը խոստացավ լրագրողներին հարմար որևէ օր պատասխանել նրանց բոլոր հարցերին:

Լրագրողները պնդեցին ևս մեկ հարց` ո՞ր ոլորտներում է պայքարելու ՊԵԿ-ը կոռուպցիայի դեմ` ըստ վարչապետի հանձնարարականի, ՊԵԿ նախագահը կարճ պատասխանեց. «Բոլոր ոլորտներում»: