Այսօր կցուցադրվի Աբրահամ Սահակյանի վերջին գործը

Այսօր «Ռեանիմանիա» անիմացիոն ֆիլմերի երևանյան կինոփառատոնի շրջանակներում մեկնարկում է «Հայկական ներկապնակ» ծրագիրը, որում ներառված են ե'ւ մրցութային, ե'ւ արտամրցութային ֆիլմեր:

Արտամրցութային ծրագիրը նվիրված է Նաիրա Մուրադյանի 50-ամյակին եւ Աբրահամ Սահակյանի հիշատակին: Իսկ ահա մրցութային ֆիլմերի մասին փառատոնի ծրագրերի համակարգող Րաֆֆի Մովսիսյանը հրաժարվեց տեղեկություններ հայտնել` մեկնաբանելով, որ դա դեմ է էթիկայի կանոններին:

Հասմիկ Սահակյանը` Աբրահամ Սահակյանի դուստրը, նշեց, որ այսօր «Նարեկացի» արվեստի միությունում կցուցադրվի Աբրահամ Սահակյանի վերջին գործը` «Արա գեղեցիկ եւ Շամիրամ» կարճամետրաժ մուլտֆիլմը:

Yerkir.am-ի հարցին, թե ի՞նչ ակնկալիքներ կան այս տարի, Ր. Մովսիսյանը պատասխանեց, որ իրենց նպատակն է զարգացնել հայկական անիմացիան եւ կապ ստեղծել այլ երկրների անիմատորների հետ, եւ եթե իրենց ինչ-որ չափով հաջողվի դա անել` իրենց նպատակը կհամարեն իրագործված: