Հայերի հետքերը` Բրազիլիայում

Սեպտեմբերի 7-21-ը ՀՀ մշակույթի նախարարության և Հայաստանում Բրազիլիայի Դաշնային Հանրապետության դեսպանության նախաձեռնությամբ կգործի «Հայերի հետքերը Բրազիլիայում» խորագրով ցուցահանդեսը: Այն նվիրված է Բրազիլիայի անկախության և Հայաստանի Հանրապետության անկախության 20-րդ տարեդարձին:

Ցուցադրության շրջանակներում կներկայացվեն լուսանկարներ և վավերագրական նյութեր Բրազիլիայի հայ համայնքի, հայկական եկեղեցու, գաղութի վերաբերյալ, ինչպես նաև ներկայացված կլինեն Արևմտյան Հայաստանից Բրազիլիա գաղթած հայերի անունները:

Մշակույթի նախարարությունը տեղեկացնում է, որ «Հայերի հետքերը Բրազիլիայում» խորագրի ներքո ՀՀ-ում Բրազիլիայի դեսպանությունը ՀՀ գիտությունների ազգային ակադեմիայում կանցկացնի պատմություն և աշխարհաքաղաքականություն թեմայով կոնֆերանս: