Հատուկ տարածքներ` ծխողների համար

Երեւանի քաղաքապետի հանձնարարությամբ` մայրաքաղաքի բոլոր վարչական շրջանների հանրային սննդի օբյեկտներում շարունակվում է ծխողների համար առանձնացված տարածքների ստեղծման գործընթացը։

Համաձայն վարչական շրջանների տրամադրած տեղեկատվության` մայրաքաղաքի Դավիթաշեն, Նորք Մարաշ եւ Նուբարաշեն վարչական շրջանների հանրային սննդի բոլոր օբյեկտներում արդեն առանձնացվել են համապատասխան տարածքներ։ Մալաթիա-Սեբաստիա վարչական շրջանում գործող հանրային սննդի 17 օբյեկտներից 7-ում ծխելն ընդհանրապես արգելված է, իսկ 10-ում ծխողների համար առանձին տարածք է հատկացվել։ Ընդհանուր առմամբ` մայրաքաղաքի հանրային սննդի 168 օբյեկտներում արդեն  կան առանձնացված տարածքներ ծխողների համար. տեղեկացնում է քաղաքապետարանի տեղեկատվության եւ հասարակայնության հետ կապերի վարչությունը: