900 մլն դոլար` Ուրմիայի փրկության համար

Իրանի կառավարությունը 900 մլն դոլար է հատկացրել Ուրմիա լիճը չորացումից փրկելուն ուղղված միջոցառումների համար. ըստ Իրանի պետական հեռուստաընկերության` ասել է Իրանի շրջակա միջավայրի պաշտպանության կազմակերպության ղեկավար Ջավադ Մոհամադիզադեն:

Նրա խոսքերով` ծրագրվում է մինչեւ լիճ ջրատարներ կառուցել, որոնցով կհոսեն Արաքս եւ Սիլվե գետերի ջրերը:

Բնապահպանները նշում են, որ երկրի կառավարության ձեռնարկած միջոցառումները բավարար չեն լիճը փրկելու համար:

Ներկայուսմ լճի ջրի յուրաքանչյուր լիտրում պարունակվում է 330 գրամ աղ, ավելի վաղ այդ թիվը 160-170 գրամ էր: Աղի պարունակության ավելացումը պայմանավորված է նրանով, որ լճի մոտ մեկ երրորդը չորացել է եւ վերածվել աղուտների: