Իրանում ձերբակալվել է Ուրմիայի քաղաքապետը, որը մեղադրվում է պանթյուրքիզմին աջակցելու մեջ

Իրանի հետախուզության նախարարության «Իմամ Զաման» ուժերը ձերբակալել են Ուրմիայի քաղաքապետ Մոհամադ Հազրաթփուրին: Նրան տեղափոխել են Թեհրան՝ հարցաքննության:

Ըստ շրջանառվող լուրերի՝ քաղաքապետը մեղադրվում է կոռուպցիոն գործարքների մեջ: Քաղաքապետարանի մյուս աշխատակիցները ձերբակալվել են վերջին ամիսներին:

Ըստ «Ազարիհա» կայքի՝ քաղաքապետը 2019 թվականին առանձնացել է սկանդալային միջադեպով: Քաղաքապետարանի նիստի ժամանակ նա խոսել է թյուրքերենով, քաղաքային խորհրդի քուրդ պատգամավորը պահանջել է խոսել երկրի պետական լեզվով: Միջադեպը լայնորեն լուսաբանվել էր լրատվամիջոցներում: Այդ ժամանակ Հազրաթփուրը մեղադրել են էթնիկ խտրականության և պարսկերեն լեզուն չիմանալու մեջ: