Ադվոկատը դժգոհ է

Ռուսաստանի հավաքականի գլխավոր մարզիչ Դիկ Ադվոկատը Մակեդոնիայի դեմ Եվրո-2012 ընտրական փուլի հանդիպումից առաջ խոսել է իր թիմի մասին:

«Արդեն 3 տարի է անցել 2008 թվականի Եվրոպայի առաջնությունից, իսկ Ռուսաստանի հավաքականը դեռ խաղում է նույն կազմով: Մեր թիմին չեն բավականացնում երիտասարդ տաղանդավոր խաղացողները, որոնք ի զորու լինեն փոխարինելու հավաքականի ներկայիս խաղացողներին: Ռուսաստանի հավաքականում այժմ բացակայում է մրցակցությունը, իսկ դա արդեն խնդիրներ է առաջացնում, երբ թիմը հանդես է գալիս բարձր մակարդակ ունեցող մրցաշարերում: Հավաքականի պրոբլեմներից է նաև այն, որ մեր լեգեոներները շատ ժամանակ են անցկացնում պահեստայինների նստարանին»,- ասել է հոլանդացի մասնագետը ռուսական Новости գործակալությանը: