Սթիվ Ջոբսը Walt Disney-ը լքելու պլաններ չունի

Սթիվ Ջոբսը, ով չորեքշաբթի օրը հրաժարվել էր Apple ընկերության գլխավոր տնօրենի պաշտոնից, դեռեւս չի հրաժարվի նաեւ Walt Disney ընկերությունում ունեցած իր պաշտոնից. ասել է Disney-ին մոտ կանգնած աղբյուրը:

Ինչպես հաղորդում է Reuters-ը, Ջոբսը ընկերության տնօրենների խորհրդի անդամ է դարձել այն բանից հետո, երբ ընկերությունը 2006 թվականի հունվարին 7.4 միլիարդ դոլարով գնել է Pixar անիմացիոն ստուդիան. այդ գործարքը ղեկավարել է Ջոբսը:

Ներկայումս Apple-ի գլխավոր տնօրենի պաշտոնում նշանակվել է Ջոբսի տեղակալ Թիմ Քուքը:

Mashable-ը հաղորդում է, որ Ջոբսի հեռանալուց հետո Apple-ի բաժնետոմսերի գինն ընկել է 7 տոկոսով: