կարևոր
4429 դիտում, 8 ամիս առաջ - 2023-08-02 14:32
Աշխարհ

Այսօր առավոտյան թուրքական կողմը քարոզչական գրոհ է սկսել Disney Plus-ի դեմ. Արմեն Պետրոսյան

Այսօր առավոտյան թուրքական կողմը քարոզչական գրոհ է սկսել Disney Plus-ի դեմ. Արմեն Պետրոսյան

Արաբագետ Արմեն Պետրոսյանը գրում է.

«Ուրեմն, Disney Plus-ի կողմից նկարահանվում է «Աթաթուրք» սերիալը՝ բաղկացած վեց սերիայից, որը նախատեսվում էր համաշխարհային մակարդակով ցուցադրել Թուրքիայի Հանրապետության հարյուրամյակին՝ 2023թ․ հոկտեմբերի 29-ին։

Սակայն, ըստ թուրքական քարոզչամեքենայի, ԱՄՆ-ի և Ֆրանսիայի հայկական սփյուռքի լոբբիստական աշխատանքի արդյունքում սերիալը համաշխարհային մակարդակով չի ցուցադրվելու՝ բավարարվելով միայն թուրքական կինոթատրոններով։

Վերջին օրերին, բայց հատկապես այսօր առավոտյան թուրքական կողմը քարոզչական գրոհ է սկսել Disney Plus-ի դեմ. հաջորդիվ, երևի թե մեդիայում և սոցցանցերում կտարածվի Թուրքիայի շները միասնական ոռնոցը։

Disney Plus-ում «Աթաթուրք» սերիալի հեռարձակման չեղարկման լուրերի առնչությամբ թվիթերում քննադատական գրառումներով են հանդես եկել քեմալական «Ժողովրդահանրապետական» կուսակցության խորհրդարանական ֆրակցիայի ղեկավար Օզգյուր Օզելը և ազգայնական «Լավ» կուսակցության խոսնակ Քյուրշադ Զորլուն։

Նշենք, որ լրագրող Բիրսեն Ալթունթաշն ավելի վաղ հայտնել էր, որ այդուհանդերձ սերիալը հոկտեմբերի 29-ին անվճար ցուցադրվելու է FOX-ի եթերում՝ «Նվեր ողջ Թուրքիային» կարգախոսով։ Ավելի ուշ հատուկ մոնտաժված տարբերակը ցուցադրվելու է նաև Թուրքիայի և ողջ աշխարհի կինոթատրոններում»։