Փոփոխություններ ասպիրանտուրայի ընդունելության կարգում

ՀՀ կրթության և գիտության նախարար Արմեն Աշոտյանի N 781-Ն հրամանով փոփոխություն է կատարվել «Հայաստանի Հանրապետությունում ասպիրանտուրայի ընդունելության կարգը հաստատելու մասին» 2006 թ. սեպտեմբերի 15-ին N 740-Ն հրամանով հաստատված կարգում:

Ինչպես տեղեկացնում են ՀՀ ԿԳ նախարարությունից, փոփոխությունը վերաբերում է ասպիրանտուրայի օտար լեզվի (անգլերեն) ընդունելության քննությանը: Նշված կարգով սահմանվել է, որ ասպիրանտուրայի դիմորդն ավարտական տարվա ընթացքում հանձնում է անգլերեն լեզվի քննություն` «TOEFL» /iBT/ ստորին անցումային միավորին համապատասխան:

Նախորդ տարիների` միչև 2011 թ. դեկտեմբերի 31-ը «TOEFL» ծրագրի /iTP/ տարբերակով հանձնած վավեր վկայագրերը ուժի մեջ են 2012-2013 ուսումնական տարվա ասպիրանտուրայի ընդունելության ժամանակ: