Խորտակված "Բուլղարիա" ջերմանավի 6 ուղեւորները գտնվել են

Թաթարստանից անսպասելի և ուրախ լուր է ստացվել. տեղի  ներքին գործերի նախարարությունից տեղեկացրել են, որ, մոտ տաս օր  առաջ  «Բուլղարիա» ջերմանավի խորտակման հետևանքով անհետ կորած համարվող 6 հոգին գտնվել են` ողջ եւ առողջ:

Նրանք իրենց հարազատներն արդեն հայտնել են, որ նրանց հետ ամեն ինչ կարգին է: Պարզվում է` անհետ կորած համարվողներն օրեր շարունակ չեն կարողացել կապի մեջ դուրս գալ, քանի որ կորցրել էին իրենց բջջային հեռախոսները, սակայն այժմ նրանց հաջողվել է կապ հաստատել հարազատների հետ:

Նշենք, որ ըստ մասնագետների, մահացածների դիակները կարող են ջերմանավի վրա չգտնվել, քանի որ կարող էին ընկնել որսագողերի ցանցերի մեջ:

Հիշեցնենք, որ «Բուլղարիա» ջերմանավի վթարի հետեւանքով  մոտ 120 հոգի էր զոհվել: