Դեֆոլտը մոտ է

ԱՄՆ Կոնգրեսի Ներկայացուցիչների պալատը հավանություն է տվել օրինագծին, որի համաձայն` ԱՄՆ պետպարտքի սահմանը կարճ ժամանակով կարող է բարձրացվել 900 մլրդ դոլարով: Սակայն Սենատը ճգնաժամից դուրս գալու բոլոր հույսներն ի չիք դարձրեց` ընդամենը 2 ժամ անց դեմ քվեարկելով: Սենատորները որոշեցին չընդունել փաստաթուղթը ձայների 59 դեմ եւ 41 կողմ հարաբերակցությամբ:

Այժմ Սպիտակ տունը եւ Ներկայացուցիչների պալատը ստիպված են բանակցել Սենատի հետ:

Նախօրեին ԱՄՆ նախագահ Բարաք Օբաման հայտարարել էր, որ դեմոկրատները եւ հանրապետականները պետք է համաձայնության գան` դեֆոլտ թույլ չտալու համար: «Մենք արդեն ժամանակ չունենք»,- զգուշացրել էր նա:

Ներկայացուցիչների պալատում, որտեղ ձայների մեծամասնությունը հանրապետականներինն է, 218 օրենսդիրներից 210-ը կողմ էին քվեարկել օրինագծին: Իսկ Սենատում մեծամասնություն են կազմում դեմոկրատները, որոնք տապալեցին «հանրապետական» օրինագիծը:

Բբացի պետպարտքի սահմանի բարձրացումից, Ներկայացուցիչների պալատի խոսնակ, հանրապետական Ջոն Բեյների առաջարկած օրինագծով նախատեսվում էր հետագա 10 տարիների ընթացքում 917 մլրդ դոլարով կրճատել դաշնային ծախսերը եւ փոխել սոցիալական քաղաքականությունը: Դեմոկրատներն ավելի վաղ էլ հայտարարել էին, որ նման գործարքի չեն գնա: