ՀՐԱՊԱՐԱԿ. Ֆրանսահայերը հաղթում են

Մինչ որոշ «մութ ուժեր» ստորագրահավաք են նախաձեռնում կաթողիկոսի դեմ` մինեւնույն ժամանակ թերեւս ստիպելով որոշ հոգեւորականների աշխարհիկ հաճույքներով ապրել եւ բենթլիներ քշել` Հայ առաքելական եկեղեցին դարձնելով եկամտի աղբյուր, մեզ հայտնի դարձավ, որ Ֆրանսիայի Նիցցա քաղաքի առաքելական եկեղեցու խորհրդի եւ Հայաստանի առաքելական եկեղեցու` ամիսներ ձգվող վեճը տեւական ժամանակ է`  տեղափոխվել է ֆրանսիական դատարան:

Եկեղեցին դատի է տվել տեղի Ֆրանսիայի եկեղեցին հիմնած ֆրասահայերին` փորձելով այդկերպ պարտավորեցնել նրանց` ընդունելու եկեղեցիների գործունեության իր նոր կանոնադրությունը, համաձայն որի` Սփյուռքի եկեղեցիների կազմակերպչական եւ ֆինանսական ղեկավարումն աշխարհիկ խորհուրդներից, որոնք հիմնականում ընտրվում են համայնքի ներկայացուցիչներից, անցնում է հոգեւորականների տիրապետության տակ, այդ թվում` եկեղեցու ունեցվածքն ու ֆինանսները:

Ֆրանսիայի դատարանը գտել է, որ ճիշտը ֆրանսահայերն են, որոնք առաջնորդվել են նախկին` խորհրդի կողմից ընդունված եկեղեցական կարգով:

Դատական վեճը շարունակվում է: Հաջորդ նիստը տեղի է ունենալու սեպտեմբերի 23-ին: