ՀԱԿ-ը 5 տոկոս էլ չի հավաքի

Շատ հնարավոր է, որ ՀԱԿ-ը 5 տոկոս էլ չհավաքի, որովհետեւ ժողովրդի վերաբերմունքն էապես փոխվել է. պատասխանելով ԵՐԿԻՐ-ի հարցին` ի՞նչ է իրականում խոստացվել ՀԱԿ-ին, եւ իր կանխատեսումներով` ՀԱԿ-ը քանի՞ տոկոս ձայն կհավաքի առաջիկա խորհրդարանական ընտրություններում, այսօր լրագրողների հետ հանդիպման ժամանակ հայտարարեց Հայաստանի դեմոկրատական կուսակցության նախագահ Արամ Սարգսյանը:

«Ես ի՞նչ իմանամ, թե իշխանություններն ինչքան են նրանց խոստացել. նայած, թե ի՞նչ նպատակ են դրել»,- ասաց նա ու համոզմունք հայտնեց, որ այս պահին որոշակի փոփոխություններ կան, ինչն էլ ենթադրում է, որ ընտրությունները լինելու են հնարավորինս արդար:

«Այստեղ ամենաօբյեկտիվ բանը, որ չի փոխվել, փողի ուժն է: Միանշանակ է, որ փողն օգտագործվելու է ամենալայն ձեւով»,- նշեց դեմկուսի ղեկավարը: