ԺԱՄԱՆԱԿ. Նույնիսկ նորածիններն են մուծվում

Հայտնի գործարար, ԱԺ պատգամավոր Սամվել Ալեքսանյանը իր տեղում չի սթրվում: Նա խմողների կյանքը կեղծ օղիներով, հիվանդների կյանքը` ժամկետանց դեղերով թունավորելուց հետո անցել է մանկահասակներին:

Այս անգամ խոսքը վերաբերում է մայրական կաթի փոխարինիչներին: Վերջին շրջանում մի շարք բողոքներ ենք ստանում թե' սպառողներից, թե' դեղատներից: Ըստ այդմ` գնորդները դժգոհում են մայրական կաթի փոխարինիչներից, հատկապես` HIPP-ից, որը Հայաստան է ներմուծում Սամվել Ալեքսանյանը:

Շատերին այս ամենը տարօրինակ կթվա, քանի որ այդ կերը մշտապես աչքի է ընկել բարձր որակով եւ, կարելի  է ասել, թե' համաշխարհային, թե' ՀՀ շուկայում առաջատարներից է: Այնինչ վերջին շրջանում նույնիսկ երեխաների թունավորման մի շարք դեպքեր են գրանցվել այդ կերից, ինչը, սակայն, մեր աղբյուրների փոխանցմամբ` Սամվել Ալեքսանյանին հաջողվել է լռեցնել կլորիկ գումարի կամ սպառնալիքի միջոցով:

Նշենք, որ մանկական կերի շուկայում մեր ուսումնասիրությունները ցույց տվեցին, որ  HIPP-ի` բանջարեղենով եւ մրգերով պահածոյացված կերերը վաճառվում են 1000 դրամից սկսած, իսկ մայրական կաթի փոխարինիչների 300 գրամը 2000-2500 դրամով, 800 գրամն էլ` 5000-5500 դրամով:

Ստացվում է` պետությունը կանգնած է ներքաղաքական ճգնաժամի առաջ. արտագաղթը մի կողմից է գլուխ բարձրացրել, իսկ Սամվել Ալեքսանյանը 1000-5000 դրամով թունավորում է երեխաներին: