Գուշակը Ծառուկյանին ու Դեմիրճյանին է ուզում

Գնչուհի Եսենիան, ով զբաղվում է բախտագուշակությամբ, դժգոհ է Հայստանի ներկայիս իրավիճակից:

«Մի հատ մեր շուրջ նայենք, բոլորը փախչում են, գնում` օտար երկրները հարստեցնելու: Ես ընդհանրապես քաղաքականությունից շատ հեռու եմ, բայց կարծում եմ, որ Հայաստանի վիճակը կբարելավվի միայն Գագիկ Ծառուկյանի ու Ստեփան Դեմիրճյանի համագործակցության արդյունքում»,- խորհուրդ է տալիս Եսենիան` ավելացնելով, որ Ծառուկյանը «մի բուռ Աբովյանում այնպիսի բիզնես է դնում, որ մարդկանց չխանգարի, իսկ որոշները բիզնես են դնում, որով անգամ արեւածաղիկ վաճառողի գործին են խփում»:

«Իսկ ինչ վերաբերում է Դեմիրճյանի հասցեին հնչող կարծիքներին, թե նա չի կարող կառավարել երկիրը, չի կարող խոսել, ճիշտ չէ: Ուղղակի նա որոշների նման փողոցային կյանք չի ունեցել եւ, շատ բնական է, որ լեզվից ճարտար չէ, «խուլիգանական» ժեստեր չի կարող ունենալ: Նա էլ իր հոր նման խելքով է, ճիշտ են ասում` պտուղը ծառից հեռու չի ընկնում»,- եզրափակեց գուշակը: