Գուշակը փոխարինում է քահանային

Արամուս գյուղի Սուրբ Աստվածածին եկեղեցում ոմն Մարիամ Վարդանյանը զբաղվում է պայծառատեսությամբ եւ գուշակությամբ: Մարիամ Վարդանյանը եկեղեցու պահակն է, սակայն մոտ 10 տարի է` երկրորդ փեշակն էլ ունի: Վարձատրվում է մարդկանց հայեցողությամբ` ով ինչքան տա:

Նշենք, որ եկեղեցում չկա հոգեւոր հայր, իսկ շաբաթ եւ կիրակի օրերին գուշակն ինքն է իր «արարողությունները» կազմակերպում:

Փոխգյուղապետ Նորայր Ստեփանյանի խոսքերով` «Երկիր»-ից է առաջին անգամ են տեղեկանում, որ մատուռում զբաղվում են գուշակությամբ: Հարցին, թե ի՞նչ միջոցներ կձեռնարկվեն, նա պատասխանեց. «Համապատասխան հովիվներ կան, թող նրանք էլ զբաղվեն, սա մեր խնդիրը չէ»: