Եթե մեր տղերքի սերն էլ կորավ առ հայրենիք, մենք մեզ կկորցնենք. Ռուբեն Հախվերդյան

Հակառակորդը չէր սպասում, որ մենք նման հակահարված կտանք, իսկ Ռուսաստանի համար լրիվ միևնույն էր` ինչ է կատարվում. այսօր` լրագրողների հետ հանդիպման ժամանակ, կարծիք հայտնեց երգիչ-երգահան Ռուբեն Հախվերդյանը:

Ըստ նրա` ժողովուրդն իր արյամբ պահեց հողը և այն, որ տարածքների կորուստ չեղավ, ժողովրդի «քյոմագն» էր:

«Միշտ էլ տղերքն են մեր հույսը եղել, դա մեր ժողովրդի դժբախտ պատմությունն է: Երիտասարդներն ավելի շատ են զարգացած, քան մեր սերունդը, դա փաստ է: «Հայրենասիրություն» բառից զզվում եմ, քանի որ դրանից ֆաշիզմի հոտ է գալիս, սակայն մեր տղերքը գնացին, կռվեցին, քանի որ սիրում են հայրենիքը: Իսկ եթե մեր տղերքի սերն էլ կորավ, մենք մեզ կկորցնենք, մեր տեսակը` մեր մեծ քիթը, մռայլ դեմքը»,- ասաց Հախվերդյանը:

Ըստ նրա` ժողովուրդն ինչ արեց, բնազդաբար արեց: