Էրդողանը Ասադին խելք է սովորեցնում

Թուրքիայի վարչապետ Ռեջեփ Թայիփ Էրդողանը զանգահարել է Սիրիայի նախագահ Բաշար ալ Ասադին եւ փորձել է համոզել «դադարեցնել արյունահեղությունը». տեղեկացնում են թուրքական ԶԼՄ-ները:

Նա Ասադին կոչ է արել` սեփական ժողովրդի նկատմամբ բռնի գործողություններ չկատարել եւ հնարավորնս արագ կազմել բարեփոխումների գրաֆիկը, ապա` իրականացնել դրանք:

Հիշեցենք, որ ավելի վաղ Էրդողանը Սիրիայի իշխանությունների գործողությունները որակել էր որպես բարբարոսություն:

Ի դեպ, լիբանանյան OTV հեռուստաալիքը տեղեկացնում է, որ մոտակա 2 օրերին նախագահ Ասադը հայտարարություն է անելու, որում ներկայացնելու է Սիրիայի կառավարության նոր դիրքորոշումը եւ խոսելու է բարեփոխումների իրականացման մասին: