ԱՌԱՎՈՏ. Ինստիտուցիոնալ համբերություն

Երեկ «Առավոտը» ՀՀ Կենտրոնական բանկի նախագահ Արթուր Ջավադյանից հետաքրքրվեց` ասում էիք, որ դատի եք տալու ԿԲ անդամների հասցեին վիրավորական արտահայտություններով հանդես եկած անձանց, ինչ-որ քայլ արե՞լ եք: Հիշեցնենք, որ խոսքը ՀՀ նախկին վարչապետ Հրանտ Բագրատյանի մասին է, որն իր հրապարակային ելույթներից մեկում ԿԲ վարչության պետերից մեկի մասին ասել էր «պաթոլոգիական ապուշ»:

Պարոն Ջավադյանը պատասխանեց. «Կենտրոնական բանկը ինստիտուցիոնալ կառույց է, մեր մոտեցումներն էլ են ինստիտուցիոնալ, մենք ունենք ինստիտուցիոնալ համբերություն: Մի քիչ էլ կսպասենք, եւ եթե որեւէ կերպ շարունակվեն այդ վիրավորանքները կամ փորձեն ինչ-որ պատասխաններ տալ` այդ դեպքում անպայման: Ներողամտությունն ու հանդուրժողականությունն լավ բաներ են, բայց դա չի նշանակում, որ լռելու ենք ու չենք գնալու դատարան: Եթե որեւէ շարունակություն ունենա, միանշանակ կգնանք դատարան»: