Սեյրան Օհանյանը խոցված ուղղաթիռի օդաչուների հայրերին համբերություն է ցանկացել

Առաջին իսկ օրվանից խոցված ուղղաթիռի օդաչուների ընտանիքների անդամների հետ համապատասխան աշխատանք է կատարվում, ընտանիքների անդամներին այցելել են նախարարի առաջին տեղակալը, գլխավոր շտաբի պետի առաջին տեղակալը և մյուս տեղակալները: Այս մասին այսօր Եռաբլուրում, yerkir.am-ի լրագրողի հարցին ի պատասխան, թե արդյո՞ք այցելել է խոցված ուղղաթիռի անձնակազմի անդամների ընտանիքներին, ասաց ՀՀ պաշտպանության նախարար Սեյրան Օհանյանը:

Նախարարը նշեց, որ երեկ խոցված ուղղաթիռի օդաչուների հայրերին անձամբ է ընդունել և նրանց հետ «համապատասխան աշխատանք» կատարել: «Համբերություն եմ ցանկացել և հորդորել, որպեսզի համբերեն` մինչև դիվանագիտական ճանապարհով հարցին լուծում տան»,- ասաց պաշտպանության նախարարը: