Անցյալին վերադարձ չկա

Ղարաբաղյան հակամարտության կարգավորման բանակցային գործընթացի ամենակարեւոր նվաճումը խաղաղության պահպանումն է. Военный дипломат ամսագրին տված հարցազրույցում ասել է ԼՂՀ նախագահ Բակո Սահակյանը:

Սակայն, ըստ նրա, այդ հարցում էական առաջընթացի հասնելու համար անհրաժեշտ է, որ վերականգնվի բանակցությունների լիարժեք ձեւաչափը` որպես լիիրավ կողմ` Արցախի Հանրապետության մասնակցությամբ: Հակառակ դեպքում` կարգավորումն անիրական է:

Ինչ վերաբերում է Ադրբեջանի ղեկավարության հայտարարությունը, թե պատրաստ է Լեռնային Ղարաբաղին ամենալայն ինքնավարությունը տրամադրել Ադրբեջանական Հանրապետության կազմում, Բակո Սահակյանը, դա համարում է քաղաքական սպեկուլյացիա:

«Անցյալին վերադարձ չկա, եւ դա, կարծում եմ, պարզ է բոլորին: Մենք արդեն խորհրդային իրականության 70 տարի ունեցել ենք այդ ինքնավարությունը, եւ բոլորը գիտեն, թե ինչով դա ավարտվեց: Ադրբեջանի կազմում ոչ մի լայն կամ այլ տիպի ինքնավարության մասին խոսք լինել չի կարող: Ադրբեջանի հետ հակամարտությունը կարող է լուծվել միայն մեկ ճանապարհով` անկախ Լեռնային Ղարաբաղի Հանրապետության իրավական ճանաչում` միջազգային մակարդակով: Դա ինչպես ժողովրդի, այնպես էլ մեր հանրապետության իշխանությունների կարծիքն է»,- հայտարարել է Արցախի նախագահը: