Շատ հարցեր հենց հոգեւոր առաջնորդները պետք է լուծեն

Դեռեւս 2001 թվականին, երբ  վրաց պատրիարք Իլյա Երկրորդն այցելել էր Հայաստան,  Հայաստանի  «Իվերիա» վրացական  համայնքը դիմել էր նրան` խնդրանքով, որ Երեւանում վրացական ուղղափառ եկեղեցի կառուցվի:

Ինչպես «Երկիր»-ի հետ զրույցում հայտնեց  համայնքի ղեկավար Սվետլանա Նամչեւաձեն, մինչ օրս հարցը չի լուծվել: «Սակայն հույս ունենք, որ Վրաստան հովվապետական այց կատարած Ամենայն Հայոց կաթողիկոսի եւ Վրաց պատրիարքի միջեւ ընդունված համատեղ հռչակագրով կլուծվեն մի շարք հարցեր, որոնք մինչ օրս լուծված չէին»,- նշեց նա` հավելելով, որ շատ հարցեր հենց հոգեւոր առաջնորդները պետք է լուծեն` խաղաղ, կիրթ եւ միացյալ ուժերով:

Ըստ Ս. Նամչեւաձեի` առաքելական, թե ուղղափառ` եկեղեցիներում մեկ Աստծո են պաշտում:

Վրացական համայնքի ղեկավարը նաեւ հայտնեց, որ ներկա պահին իրենց համայնքում գրանցված է Հայաստանում բնակվող 200 վրացի, սակայն պաշտոնական տվյալներով` նրանց թիվը հասնում է 650-700-ի: