Բերքահավաքի հարցն են քննարկել

Արցախի նախագահ Բակո Սահակյանն այսօր հրավիրել է Անվտանգության խորհրդի նիստ, որի օրակարգում ընդգրկված են եղել 2011թ. հացահատիկային կուլտուրաների բերքահավաքի կազմակերպման հետ կապված հարցեր:

Ինչպես հայտնում են նախագահի աշխատակազմի տեղեկատվության գլխավոր վարչությունից, բերքահավաքն արդյունավետ կերպով կազմակերպելու նպատակով նախագահը կառավարությանը հանձնարարել է մինչեւ 2011թ. հունիսի 15-ը, հանրապետության գյուղատնտեսության նախարարի գլխավորությամբ, ձեւավորել օպերատիվ շտաբ, որը կիրականացնի անհրաժեշտ միջոցառումներ եւ առկա իրավիճակի մասին 10-օրյա պարբերականությամբ տեղեկանքներ կներկայացնի հանրապետության նախագահին:

Նա նաեւ ընդգծել է երկրի համար ռազմավարական նշանակություն ունեցող այս գործընթացի ողջ ընթացքի լայնորեն լուսաբանման անհրաժեշտությունը: