"Մեծ Կովկաս". երկու ֆիլմ Հայաստանից

Պերմում հունիսի 13-21-ը անցկացվելիք «Մեծ Կովկաս» կինոփառատոնին հանդիսատեսը կծանոթանա այն գեղարվեստական, վավերագրական եւ անիմացիոն ֆիլմերին, որոնք վերջին տարիներին նկարահանվել են հարավկովկասյան երկրներում:

Կինոփառատոնին առանձնակի տեղ է հատկացվելու հայ կինոբեմադրիչների աշխատանքներին: Մասնավորապես` կցուցադրվեն Արման Երիցյանի «Հայաստանի վերջին լարախաղացը» եւ «Բաց երկնքի տակ» կինոնկարները:

Կազմակերպիչները համոզված են, որ ներկայացվող ժապավենները Կովկասի իրական կյանքի արտացոլանքն են եւ մեծապես կնպաստեն ժողովուրդների միջեւ փոխըմբռնման ամրապնդմանը:

Մեր երկրից բացի, կինոփառատոնին իրենց աշխատանքներն կներկայացնեն Իրանի, Ադրբեջանի, Դաղստանի, Ինգուշեթիայի, Հյուսիսային Օսիայի արվեստագետները: Իսկ Վրաստանի չի մասնակցի` քաղաքական դրդապատճառներից ելնելով: