Քիչ քնելը "սպանում է" տղամարդկանց լիբիդոն

Չիկագոյի համալսարանի գիտնականների հետազոտությունները ցույց են տվել, որ երիտասարդ տղամարդկանց մոտ քնի պակասի կամ անքնության պատճառով տեղի է ունենում «տեստոստերոնի մակարդակի դրամատիկ անկում», հետեւաբար նվազում են սեռական ցանկությունները. տեղեկացնում է Telegraph-ը:

Հետազոտության արդյունքները տպագրվել են Journal of the American Medical Association ամսագրում: Դրանց համաձայն` շաբաթվա ընթացքում օրական 5 ժամից պակաս քնող 24-ամյա տղամարդու տեստոստերոնի մակարդակը հավասարվում է 15 տարով մեծ տղամարդու հորմոնային մակարդակին, այսինքն` նվազում է 10-15 տոկոսով, մինչդեռ նորմալ պայմաններում տեստոստերոնի մակարդակը նվազում է տարեկան 1-2 տոկոսով:

Բացի այդ` նվազում է մկանային զանգվածը, ոսկորների ամրությունը, զարգանում է մետաբոլիկ սինդրոմ, որը հանգեցնում է սրտային հիվանդությունների եւ շաքարախտի: