Նոր KilDim-ը` մի քիչ ավելի ֆանտաստիկ, մի քիչ ավելի կոպիտ

Մինչև Ամանոր «Ռոբերտ Սահակյանց» փրոդաքշընը կթողարկի KilDim-ի նոր սերիա: Yerkir.am-ի հետ զրույցում ընկերության տնօրեն, մուլտիպլիկատոր Դավիթ Սահակյանցը նշեց, որ նոր սերիան կլինի մի քիչ ավելի ֆանտաստիկ և մի քիչ ավելի կոպիտ:

Հարցին, թե ի՞նչ թեմայի է այս անգամ անդրադարձ կատարելու մուլտֆիլմը, Սահակյանցը պատասխանեց. «Ադրբեջանի ներքին խնդիրներին է անդրադարձ կատարվելու: Մինչև Ամանոր մեկ սերիա լույս կտեսնի, իսկ հաջորդը 2017-ին կլինի: Գործընթացը չենք կանգնեցրել, ուղղակի զբաղվածության խնդիր է: Բացի այդ` չենք ուզում չափից ավելի լինի, որ չկորցնեն հետաքրքրությունն ու արդիականությունը, ինչպես նաև մեր մարդկային ռեսուրսը թույլ չի տալիս ավելին անել. նախագծի մասին միշտ էլ մտածում ենք»: