Կթողարկվի "Նանսեն-150" հուշամեդալ

Հայոց ցեղասպանության 100-րդ տարելիցի միջոցառումների կազմակերպման եւ Ֆրիտյոֆ Նանսենի ծննդյան 150-ամյակին նվիրված հոբելյանական հուշամեդալի թողարկման նպատակով կառավարությունը կրթության և գիտության նախարարությանը հատկացրել է 12 մլն 930 հազար դրամ, որը փոխանցվելու է Հայոց ցեղասպանության թանգարան-ինստիտուտին:

Թանգարան-ինստիտուտն այդ գումարով տարբեր աղբյուրներից ձեռք կբերի թանգարանային ցուցադրությունների կազմակերպման համար անհրաժեշտ միավորներ, կհոգա «Հայոց ցեղասպանությունը և սկանդինավյան արձագանքը» թեմայով գիտաժողովին հրավիրված երկու օտարերկրյա գիտնականների ճանապարհածախսը, կթողարկի Նանսենին նվիրված հոբելյանական հուշամեդալի 500 օրինակ: