Չինովնիկները կստուգվեն ստի դետեկտորով

Մոսկվայի իշխանությունները պլանավորում են ստի դետեկտորի միջոցով ստուգվել բոլոր պետպաշտոնյաներին: Այս մասին «Ինտերֆաքսին» հայտնել է քաղաքապետարանի մրցակցային քաղաքականության վարչության ղեկավար Գենադի Դյոգտեւը:

«Ներկայումս այդ ստուգումը պաշտոնյաներն անցնում են կամավոր սկզբունքով. մրցակցային հանձնաժողովների անդամների 70 տոկոսն արդեն անցել են այդ ստուգումը»,- նշել է նա եւ ընդգծել, որ հաջորդ ստուգումներն արդեն պարտադիր են լինելու: Սա արվում է հակաօրինական գործողությունների հավանականությունը նվազեցնելու համար:

Դյոգտեւի կարծիքով` որոշակի ռիսկային գործով զբաղվող աշխատողները պետք է անպայման ստուգվեն. «Նման ստուգումը պետք է պարտադիր լինի նաեւ աշխատանքի ընդունվելու ժամանակ: Դա իրականացնելու համար պետք է մոսկովյան օրենսդրության մեջ փոփոխություններ մտցնել: Կարծում եմ` մոտ ապագայում դա կարվի»: