"Գանձասարը" առաջնությունը դեռ չի լքի

«Գանձասարը» կմասնակցի մայիսի 22-ին կայանալիք «Շիրակի» հետ հանդիպմանը: Ինչպես արդեն տեղեկացրել էինք ակումբի հովանավոր Մաքսիմ Հակոբյանը մտադիր էր ակումբը հանել առաջնությունից` կարգապահական կոմիտեի որոշումից դրդված:

Մայիսի 19-ին կայացած ՀՖՖ կարգապահական կոմիտեի նիստում որոշվել էր, որ Կապանի «Գանձասարը» տնային 5 հանդիպումները պետք է անցկացնի առանց հանդիսականների: Հիշեցնենք, որ նման որոշման պատճառ էին հանդիսացել «Գանձասար»-«Փյունիկ» հանդիպման ժամանակ գրանցված դեպքերը:

Ակումբի հովանավորը համաձայնել է թողնել թիմը առաջնությունում. վաղը կապանցիները կմրցեն գյումրեցիների հետ, սակայն «Գանձասարի» հետագա ճակատագիրը դեռ պարզ չէ: