Ի՞նչ օգուտ կբերի համաժողովը հայ փախստականներին

Հայաստանում անցկացվելու է առավել կարիքավոր փախստականների բնակարանային հիմնահարցերին նվիրված` այնքան սպասված միջազգային համաժողովը:

Տարածքային կառավարման նախարարության Միգրացիոն պետական ծառայությունը մասնակցության հրավերներ է ուղարկել շուրջ 40 երկրների վարչապետերի, 30 միջազգային կազմակերպությունների եւ 20-ից ավելի համահայկական կազմակերպությունների:  Համաժողովին կմասնակցի նաեւ ՄԱԿ-ի փախստականների հարցերով գերագույն հանձնակատար Անտոնիո Գուտերեշը, որը հանդիպումներ կունենա Հայաստանի իշխանական մարմիների ղեկավարների հետ:

Ըստ Միգրացիոն պետական ծառայության տվյալների` ներկայումս Հայաստանում 1175 փախստական ընտանիքների բնակարանային խնդիրը դեռ լուծված չէ: Այդ ընտանիքներից 860-ը մայրաքաղաքում են, մյուսները` մարզերում:

Հրավիրված միջազգային համաժողովի նպատակը փախստական ընտանիքների բնակարանային ապահովման ծրագիրը շարունակելու համար միջոցներ գտնելն է: