Բնապահպանական աղետ` Կանադայում

Կանադական Ալբերտա նահանգում նավթատարի վթարի հետեւանքով արտահոսել է 4,5 մլն լիտր նավթ:

Վթարը տեղի է ունեցել մեկ շաբաթ առաջ, սակայն արտահոսքն անմիջապես չի նկատվել, քանի որ վթարված տեղամասը հեռու է եղել ստուգիչ կետերից: 

Բացի այդ` օպերատոր ընկերությունը փորձել է իշխանություններից թաքցնել բնապահպանական աղտոտվածության իրական մասշտաբները. նավթը տարածվել է հսկայական մակերեսով, ոչնչացել են հարյուրավոր կենդանիներ ու թռչուններ, տեղի բնակիչները դժգոհում են գլխացավից, աչքերի այրոցից:

Տեղական մամուլում սկանդալից հետո աղետի վերացմանն է ուղղվել 100 մասնագետից բաղկացած հատուկ ջոկատ: Ենթադրվում է, որ աշխատանքները շաբաթներ կտեւեն: