ՈՒԵՖԱ-ն մերժել է "Ռեալի" և "Բարսայի" բողոքները

ՈւԵՖԱ-ն մերժել է «Ռեալի» և «Բարսելոնայի»  բողոքները, որոնք ակումբները ներկայացրել էին Չեմպիոնների լիգայի առաջին կիսաեզրափակիչ հանդիպումից հետո:

«Ռեալը» բողոքել էր «Բարսելոնայի» ֆուտբոլիստների պահվածքի, ինպես նաև Պեպեի հեռացման դեմ, սակայն երկու բողոքներն էլ մերժվել են: Ուսումնասիրելով կատալոնացիների ֆուտբոլիստների պահվածքը` ՈւԵՖԱ-ն այն սադրանք չի համարել: Ինչ վերաբերվում է Պեպեի կարմիր քարտին, ապա մրցավարի որոշումը հաստատվել է: Այսպիսով, պորտուգալացին չի կարողանա մասնակցել պատասխան կիսաեզրափակիչ հանդիպմանը, որը կայանալու է այսօր:  

«Բարսելոնան» իր հերթին բողոքել էր «Ռեալի» գլխավոր մարզիչ Ժոզե Մոուրինիոյի մեկնաբանությունների դեմ: Սակայն կատալոնացիներին հիշեցրել են, որ ՈւԵՖԱ-ն արդեն իսկ գործ է բացել Մոուրինիոյի դեմ: