"Շախտյորը" պատրաստվում է ռմբակոծել "Բարսայի" դարպասը

«Շախտյորի» բրազիլացի հարձակվող Լուիս Ադրիանոն Չեմպիոնների լիգայի` «Բարսելոնայի» հետ 1/4 եզրափակիչ պատասխան հանդիպման նախաշեմին հայտարարել է, որ իր թիմը կարող է դուրս գալ կիսաեզրափակիչ:

«Մենք ցանկանում ենք ոչ միայն հաղթել, այլև դուրս գալ հաջորդ փուլ: Դա մեր նպատակն է: Ինչ իմաստ ունի շարունակել խաղալ, եթե մենք հրաժարվում ենք կիսաեզրափակիչ դուրս գալու հնարավորությունից: Կատալոնացիները մեզ հաղթեցին 5:1 հաշվով, իսկ ինչո՞ւ մենք չենք կարող հաղթել նրանց 4:0 հաշվով: Մենք պարտության ենք մատնել «Ռոմային»` 3:0, այժմ պետք է պարզապես մեկ գնդակ ավել խփենք: Առջևում դեռ 90 րոպե կա, թիմը նախկինի պես վստահ է, որ կարող է առաջ անցնել», - Ադրիանոյին մեջբերում է Sport.es-ը:

Սակայն հարկ է նշել, որ «Բարսան» «Ռոմա» չէ: Իսկ այն, որ «հանքափորները» վստահում են իրենց ուժերին և պատրաստվում են պայքարել` ողջունելի է: