Ադրբեջանական ընդդիմության մեջ կռիվ է ընկել

Ադրբեջանի երկու ընդդիմադիր դաշնակից կուսակցությունները՝ «Մուսավաթը» և «Ազգային ճակատ» կուսակցությունը չեն կարողանում համաձայնության գալ հակակառավարական ցույցի անցկացման հարցում. տեղեկացնում է ադրբեջանական Trend գործակալությունը։

Ըստ «Ազգային ճակատի» ղեկավարության` ակցիան անպայման պետք է տեղի ունենա, տարաձայնությունները կապված են դրա անցկացման ժամանակի հետ։ «Կարծում ենք, որ, որոշակի գործընթացներ հաշվի չառնելով, ցույցի անցկացման ժամանակն այս պահին որոշելը ճիշտ չէ»,- ասել է կուսակցության փոխնախագահ Նուրեդդին Մամեդլին։

Իսկ «Մուսավաթի» նախագահ Արզու Սամեդբեյլին հայտարարել է, որ հարցը լուրջ տարաձայնությունների տեղիք չի տա։

Հանրային պալատի՝ ապրիլի 30-ին կայացած նիստի ժամանակ «Մուսավաթն» առաջարկեց ցույց անցկացնել մայիսի 15-ին, սակայն «Ազգային ճակատի» անդամները դեմ հանդես եկան ցույցի անցկացմանը։