"Սպարտակի" երկրպագուի սպանության գործով հետաքննությունն ավարտվել է

Ավարտվել է «Սպարտակի» երկրպագու Եգոր Սվիրիդովի սպանության գործով հետաքննությունը:

Հիշեցնենք, որ երիտասարդը սպանվել էր անցյալ տարվա դեկտեմբերին Մոսկվայի Կրոնշտադսկի բուլվարում: Այդ կապակցությամբ դեկտեմբերի 11-ին ավելի քան 5000 երկրպագուներ ու հյուսիսկովկասցիներ բախումներ ունեցան Մանեժնայա հրապարակում:

Հետաքննության տվյալներով` կռվին, որի ընթացքում սպանվել էր Սվիրիդովը, մասնակցել էր 5 հյուսիսկովկասցի. Ասլան Չերկեսովին ներկայացվել է սպանության մեղադրանք, Ակայ Ակաեւին, Հասան Իբրահիմովին, Նարիման Իսմայլովին եւ Արթուր Արսիբիեւին ` խուլիգանության եւ առողջությանը կանխամտածված թեթեւ վնաս հասցնելու մեղադրանք:

Մեղադրյալները հետաքննության ժամանակ հայտնել են, որ կռվի պատճառ են դարձել Եգոր Սվիրիդովի եւ նրա ընկերների` իրենց հասցեին հնչեցրած սադրիչ արտահայտությունները: