Գվարդիոլան ապշեցուցիչ հայտարարություն է արել

Կատալոնական «Բարսելոնայի» գլխավոր մարզիչ Խոսեպ Գվարդիոլան հայտարարել է, որ Մադրիդի «Ռեալը» համարվում է ազգային առաջնության 32-րդ տուրի շրջանակներում կայանալիք «Էլ կլասիկոյի» ֆավորիտը, այս մասին հաղորդում է Marca-ն: 
«Ես միշտ լավ կարծիք եմ ունեցել «Ռեալի» մասին: Ներկա պահին այդ թիմն ավելի վտանգավոր է, քան «Կամպ Նոուում» կայացած առաջին հանդիպումից առաջ: Կարծում եմ, որ մեր մրցակիցը համարվում է այս հանդիպման ֆավորիտը: Եթե մենք պարտվենք այս հանդիպմանը, ապա երկրի չեմպիոնի կոչման համար մղվող պայքարը կսկսի նոր ուժով զարգանալ: Մադրիդցիները գերազանցում  են մեր ֆուտբոլիստներին, քանի որ ավելի շատ են հարվածում մեր դարպասին: Բացի դրանից, նրանք ավելի արագ են և ֆիզիկապես ավելի լավ պատրաստված: «Ռեալի» խաղացողները շատ լավ են օգտագործում ազատ գոտիները և կարողանում են շատ արագ հասնել հակառակորդի դարպասին: Մեր պաշտպանության գոտին ունի Կառլես Պույոլի կարիքը: Սակայն նա դեռ շատ քիչ է աշխատել: Ամեն դեպքում Պույոլն արդեն ցավեր չի զգում, և խաղի օրը մենք վերջնական որոշում կկայացնենք»,  -  ասել է Գվարդիոլան: