ԺԱՄԱՆԱԿ. Օդանավակայան է գնել Սլովակիայում

«Ժամանակ»-ի աղբյուրների հավաստի տեղեկություններով` Հայաստանի ազգային ավիափոխադրող «Արմավիա» ընկերության սեփականատեր Միխայիլ Բաղդասարովը օդանավակայան է ձեռք բերել Սլովակիայում:

Հիշեցնենք, որ մարտի վերջերին «Զվարթնոց» օդանավակայանը հրաժարվել էր սպասարկել «Արմավիա»-ի չվերթերից մի քանիսը` հայտարարելով, որ վերջինս չի կատարում իր ֆինանսական պարտավորությնները:

«Արմավիան», իր հերթին, մեղադրել էր «Զվարթնոց» օդանավակայանի ղեկավարությանը բարձր սակագներ սահմանելու եւ ազգային ավիափոխադրողին արտոնություններ չտրամադրելու մեջ:

Մեր աղբյուրների հավաստմամբ` «Արմավիա»-ի աշխատակիցների աշխատավարձերը վերջին շրջանում ուշանում են, եւ սա մեծ դժգոհություն է առաջացրել աշխատակիցների շրջանում: Կարելի է ենթադրել, թե որն է դրա պատճառը` Միխայիլ Բաղդասարովի ֆինանսները այժմ, ինչպես երեւում է, այլ ուղղությամբ են ծախսվում: