ԺԱՄԱՆԱԿ. Գիզիրյանն անկյուն է կանգնեցրել գյուղապետերին

Գյումրիում մեր աղբյուրների համաձայն` Շիրակի մարզխորհրդի նախօրեի նիստին մարզպետը չափազանց խիստ է եղել եւ դուրս է հրավիրել այն գյուղապետերին, ովքեր մարզխորհրդի նիստից 10 րոպե ուշացել են.  «Դո'ւրս գնացեք, դո'ւրս, դուք սրանով ձեզ չեք հարգում: Ի՞նչ է նշանակում 10 րոպե ուշանալ»:

Գիզիրյանը նաեւ Շիրակի տարածքային վարչության պետին ասել է դուրս գալ ու պարզել, թե ինչո՞ւ են ուշացել գյուղապետերը:

Ավելին, Գիզիրյանին զայրացրել են նաեւ այն գյուղապետերը, ովքեր գյուղի եկամուտները հավաքագրել են ցածր տոկոսադրույքներով: Նա մեկ-մեկ ոտքի է կանգնեցրել այդ համայնքների ղեկավարներին ու պատասխան պահանջել հարկեր չհավաքագրելու վերաբերյալ: Իսկ խեղճացած գյուղապետերն էլ պատասխանել են. «Ընկեր Գիզիրյան, խոստանում ենք, որ այսուհետ լավ կաշխատենք»: