Փայտի մթերումն ավելանում է

2010 թ. Արցախում մթերվել եւ իրացվել են 3337 խ.մ գործափայտ եւ 61970 դ.խ.մ վառելափայտ:

ԼՂՀ կառավարությանն առընթեր շրջակա միջավայրի եւ բնական ռեսուրսների վարչության 2010թ. գործունեության մասին հաշվետվության համաձայն՝ անցյալ տարվա ընթացքում ֆիզիկական եւ իրավաբանական անձանց կողմից մթերված գործափայտի դիմաց պետբյուջե է մուտքագրվել 42726,0 հազ. դրամ, իսկ վառելափայտի դիմաց` 85398,4 հազ. դրամ:

Բացի այդ` այլ անտառանյութերի օգտագործումից մուտքագրվել է նաեւ 1669,1 հազ դրամ, իսկ նախորդ տարիների դեբիտորական պարտքերից մուծվել՝ 924,5 հազ. դրամ:

Վարչության տվյալներով` 2010 թվականին տրամադրված եւ մթերված գործափայտի ծավալը, 2009 թվականի համեմատ, ավելացել է 997,0 խ.մ-ով, իսկ վառելափայտի մթերման եւ իրացման ծավալը՝ 6222 դ.խ.մ-ով:

Թե տարվա ընթացքում որքան տարածքի վրա է ծառատունկ իրականացվել, վարչության հաշվետվության մեջ նշված չէ: