կարևոր
3133 դիտում, 6 ամիս առաջ - 2023-12-14 12:43
Քաղաքական

Կապանի ծառայության գծով փոխոստիկանապետը ձերբակալվել է փայտի գործով

Կապանի ծառայության գծով փոխոստիկանապետը ձերբակալվել է փայտի գործով

Yerkir.am-ի տեղեկություններով ՀՀ ՆԳՆ ոստիկանության Կապանի բաժնի պետի ծառայության գծով տեղակալ Վաղարշակ Գինոսյանը ձերբակալվել է փայտի գործով։

Ըստ ոստիկանության մեր աղբյուրի՝ Գինոսյանը կաշառքի դիմաց որոշ հովանավորչական գործողություններ է կատարել․ ներգրավված է ապօրինի ծառահատման և փայտի իրացման սխեմայում։  

Հիշեցնենք, որ նախօրեին պարզ դարձավ, որ հակակոռուպցիոն կոմիտեի աշխատակիցները ձերբակալել և Երևան են տեղափոխել ՀՀ Ներքին գործերի նախարարության ոստիկանության Գորիսի բաժնի պետ Մուշեղ Գևորգյանին և ՀՀ ՆԳՆ ոստիկանության Կապանի բաժնի պետի ծառայության գծով տեղակալ Վաղարշակ Գինոսյանին:

Ոստիկանության մեր աղբյուրի փոխանցմամբ՝ ՀՀ Ներքին գործերի նախարարության ոստիկանության Գորիսի բաժնի պետ Մուշեղ Գևորգյանն այս պահին ազատության մեջ է, նրան հարցաքննել և ազատ են արձակել, հարցաքննվել և ազատ են արձակվել ևս 10 անձ, իսկ Կապանի բաժնի պետի ծառայության գծով տեղակալը մնում է ձերբակալված։

Հակակոռուպցոն կոմիտեի մամուլի ծառայությունից հայտնեցին, որ Կապանի ծառայության գծով տեղակալը ձերբակալվել է կաշառք ստանալու կասկածանքով,նախաքննության շահերից ելնելով հավելյալ տեղեկություն չկարողացան տրամադրել։

Անի Նահապետյան