Կառավարության ճգնաժամ` ԱՄՆ-ում

Եթե ԱՄՆ կոնգրեսականները համաձայնության չգան կառավարության աշխատանքների ժամանակավոր ֆինանսավորման հարցում, կառավարության աշխատանքներն ապրիլի 8-ից կդադարեցվեն: Կգործեն միայն կենսական նշանակության ծառայությունները, մասնավորապես` զինված ուժերն ու անվտանգության ծառայությունները:

Այս մասին, ըստ «Ասոշիեյթեդ պրեսի», հայտարարել է ԱՄՆ նախագահ Բարաք Օբամայի վարչակազմի ներկայացուցիչը եւ հավելել, որ դա ծանր տնտեսական եւ սոցիալական հետեւանքներ կունենա:

Այս ամենի իրական պատճառը դաշնային բյուջեի հաստատված չլինելն է: Դեմոկրատ եւ հանրապետական կոնգրեսականները չեն կարողանում ընդհանուր հայտարարի գալ պետական ծախսերի կրճատման հարցում։ Դաշնային բյուջեի փոխարեն մինչև այժմ գործում են Սենատի և Ներկայացուցիչների պալատի՝ կառավարության ժամանակավոր ֆինանսավորման վերաբերյալ համատեղ որոշումները, որոնցից վերջինի ժամկետը լրանում է ապրիլի 8–ին։