Միմյանց նամակ կգրեն

Այսօրվանից մասնակիորեն վերսկսվելու է Կուբայի եւ ԱՄՆ-ի միջեւ փոստային հաղորդակցությունը:

Երկու երկրների բնակիչները այսուհետ կկարողանան միմյանց նամակներ ուղարկել, որոնց կշիռը չի գերազանցի 500 գրամը: Ծանրոցներ ուղարկել դեռ չի թույլատրվում:

Կուբայի փոստը ԱՄՆ-ում գտնվող հասցեատերերին ուղղված նամակների ընդունումը դադարեցրել էր հունվարի 21-ից: Մինչ այդ երեք երկրների ավիաընկերություններ, որոնք փոստային միջնորդի դեր էի կատարում, սկսեցին հետ վերադարձնել Նահանգներ ուղարկված ծանրոցներն ու նամակները, քանի որ ամերիկյան կողմը խստացրել էր անվտանգության պահանջները:

Իսկ ԱՄՆ-ի եւ Կուբայի միջեւ ուղղակի փոստային հաղորդակցությունը բացակայում է 1963 թվականից: