Ջավախքին թուրքացման վտանգ է սպառնում

Ջավախքին սպառնում է թուրքացման վտանգը, ինչը նաեւ Հայաստանի ռազմավարական շահերից չի բխում. այսօր հրավիրված ասուլիսում հայտարարեց Սամցխե-Ջավախքի հայկական հասարակական կազմակերպությունների խորհրդի անդամ, «Ա-ինֆո» միության նախագահ Արտակ Գաբրիելյանը:

Նրա փոխանցմամբ` թուրք-վրացական ճանապարհը բացվելուց հետո թուրք առեւտրականների մեծ հոսք կլինի դեպի Ջավախք. թուրքերն արդեն փորձում են այնտեղ տարածքներ ու բնակարաններ գնել:

«Եթե առաջ Ախալքալաքում կարելի էր տեսնել մի տասը վրացի, իսկ թուրք ընդհանրապես չկար, հիմա հիսուն վրացի կհանդիպի, մի տասը հատ էլ թուրք»,- ասաց Գաբրիելյանը:

Նրա դիտարկմամբ` Վրաստանում ապրող ադրբեջանցիներն էլ նույն խնդիրներն ունեն, ինչ վիրահայերը: Գաբրիելյանը նույնիսկ նկատել է, որ Վրաստանում ապրող ադրբեջանցիները «մի քայլ հետ են հայերից»: «Եթե հիմա հայկական դպրոցում տնօրենը գոնե հայ է, ապա Մառնեուլի շրջանում` ադրբեջանական գյուղում, տնօրենը վրացի է»,- նշեց նա: