Երեւանը` անվտանգ քաղաք

Երեւանը պետք է դառնա անվտանգ քաղաք. անդրադառնալով մայրաքաղաքի երթևեկության կառավարման ու կանոնակարգման հիմնահարցերին` այսօր խորհրդակցության ժամանակ ասել է քաղաքապետ Կարեն Կարապետյանը:

Նա հանձնարարել է, սահմանված ժամանակացույցի համաձայն, ավարտել ծանրաբեռնված խաչմերուկներում և կանգառներում ճանապարհային տեսախցիկների տեղադրման աշխատանքները:

Քաղաքապետին զեկուցել են, որ Տիգրան Մեծ պողոտայում ուղևորատար տրանսպորտի կանգառագոտիների առանձնացման տեխնիկական նոր միջոցների տեղադրումը զգալիորեն փոխել է պատկերը: Ռետինե բարձիկներով առանձնացված գոտիներում տաքսիներ և այլ մեքենաներ այլևս չեն կայանում:

Կարեն Կարապետյանը հանձնարարել է ներկայացնել նաև այլ փողոցներում նմանատիպ միջոցառումներ ձեռնարկելու առաջարկներ: